بتصلي ولا لالا

بسم الله الرحمن الرحيم

والصلاة والسلام على أشرف المرسلين سيدنا محمدا وعلى آله وصحبه أجمعين اما بعد ..

هسألكم كم سؤال بس ..

ولكــــــــــــــــــــــــــن ..
أستحلفكم بالله تجاوبونى بكل صدق وصراحة ..

مش ماسلك سكين ولا كلاشن انا وبقولك بدك تحكى او تعترف ..

اتفقنــــــــــــااا .. توكلنا على الله .. عارف الصلاة ؟.. اه الصلاة الى ربنا سبحانه وتعالى فرضها علينا خمس صلوات فى اليوم ..

بتصلى ؟

طيب كم صلاة بتصلى ؟

وين بتصليهم ؟

بتخشع فى صلاتك أو يلا صلى واجرى ؟

بتصلى لحالك أو فى جماعة ؟

صلاة الصبح وعارف كتير للأسف ما بصلوها وبيضلوا نايمين ..

بتصلى الصبح ؟ لو اه وين فى البيت او المسجد ؟

ولو لاء .. ليش ؟ أعطينى سبب وااحد بس ؟.

نعسان .. بلاش تسهر ع النت . بلاش تطش مع صحابك ناام بدرى بتصحى بدرى

.. فش مية يا أخى اتيمم اذا فش مية .

" يَا أَيُّهَا الَّذِينَ آمَنُواْ إِذَا قُمْتُمْ إِلَى الصَّلاةِ فاغْسِلُواْ وُجُوهَكُمْ وَأَيْدِيَكُمْ إِلَى الْمَرَافِقِ وَامْسَحُواْ بِرُؤُوسِكُمْ وَأَرْجُلَكُمْ إِلَى الْكَعْبَينِ وَإِن كُنتُمْ جُنُبًا فَاطَّهَّرُواْ وَإِن كُنتُم مَّرْضَى أَوْ عَلَى سَفَرٍ أَوْ جَاء أَحَدٌ مَّنكُم مِّنَ الْغَائِطِ أَوْ لاَمَسْتُمُ النِّسَاء فَلَمْ تَجِدُواْ مَاء فَتَيَمَّمُواْ صَعِيدًا طَيِّبًا فَامْسَحُواْ بِوُجُوهِكُمْ وَأَيْدِيكُم مِّنْهُ مَا يُرِيدُ اللّهُلِيَجْعَلَ عَلَيْكُم مِّنْ حَرَجٍ وَلَكِن يُرِيدُ لِيُطَهَّرَكُمْ وَلِيُتِمَّ نِعْمَتَهُ عَلَيْكُمْ لَعَلَّكُمْ تَشْكُرُونَ ."
سورة المائدة))





اخ شو بتقول بتصحاش ع صلاة الصبح ..

اها معك جوال صح حط المنبه فيه بنفع ولا لاء ؟؟

معكاش جوال .. اها خلى حدا من اهل البيت يصحيك ولا فش حد فيهم بصلى الصبح ؟؟

طيب صلاة المسجد بالنسبة للشاب بتصلى فى المسجد ولا عمرك ما دخلتو او بتمرق عنه وكأنه بيت عاادى وخلاص ..؟؟؟؟
هتقولى المسجد بعيد عن بيتنا .. يا اخى ربنا بكتبلك فى كل خطوة ألف حسنة مش عاجبك ؟
الدنيا سقعة الصبح .. وبعرفش اطلع ..

الله اكبر بس ..

لو عليك مشوار او طشة وموعدها الصبح بدرى والله لتصحالها من الصبح بدرى وانا عارف الاشى هادا

.. صح ولا كلامى غلط ؟؟؟..

طيب ليش هيك ..؟؟؟؟
لو غضينا النظر عن صلاة الصبح صليها فى البيت بس الاجر والثواب أقل طبعا ..

صلاة الضهر والعصر والمغرب والعشاء

.. كيف انتا معااهم ؟
ها فى الك حجـــــــــة فيهم ولا شوو قولى بس ؟؟؟؟

..............

أتمنى اجابة صريحة من الشباب والصبايا ..

الى بيكذب بيكذب ع حالو ..تنسووش ...

وتنساش .. أول ما يحاسب العبد على صلاته هل تصلى أو لا تصلى..

اسمع ربنا عز وجل شو بقولك عن الصلاة :

بسم الله الرحمن الرحيم

" قد أفلح المؤمنون الذين هم فى صلاتهم خاشعون "

-" اتْلُ مَا أُوحِيَ إِلَيْكَ مِنَ الْكِتَابِ وَأَقِمِ الصَّلَاةَ إِنَّ الصَّلَاةَ تَنْهَى عَنِ الْفَحْشَاء وَالْمُنكَرِ وَلَذِكْرُ اللَّهِ أَكْبَرُ وَاللَّهُ يَعْلَمُ مَا تَصْنَعُونَ ."



" أَرَأَيْتَ الَّذِي يُكَذِّبُ بِالدِّينِ . فَذَلِكَ الَّذِي يَدُعُّ الْيَتِيمَ . وَلَا يَحُضُّ عَلَى طَعَامِ الْمِسْكِينِ . فَوَيْلٌ لِّلْمُصَلِّينَ . الَّذِينَ هُمْ عَن صَلَاتِهِمْ سَاهُونَ . الَّذِينَ هُمْ يُرَاؤُونَ . وَيَمْنَعُونَ الْمَاعُونَ ."


" قَدْ أَفْلَحَ مَن تَزَكَّى . وَذَكَرَ اسْمَ رَبِّهِ فَصَلَّى ."


إِنَّ الصَّلاَةَ كَانَتْ عَلَى الْمُؤْمِنِينَ كِتَابًا مَّوْقُوتًا
بديش أطول فى الموضوع .. نهاية القول

استغفر الله العظيم
استغفر الله العظيم
استغفر الله العظيم
...
لا حول ولا قوة الا بالله العلى العظيم

ها بدى منك تقرا الموضووع منيح مرة ومرتين وتلاتة وبدى اجابة صريحة منك وواضحة ..



ما بدك تجاوب .. وشايف أنه الموضووع ما بستحق ما تجاوب .. مش غاصبك ع الاجابة أنا ..

اتفقنـــــــــاااا

ننتظر ردودكم الرائعه

مشكور
اخي
امير الاحزان
يسلموا
اكيد حبيبي
الصلاه عمود الدين
بس وين الي يطبق
تقبل مروري
اخوك الحنون
ابو رغد

يسلمو اديك يا امير الاحزان الله يسلم ويديك العافيه