لو....ولو..ولو
--------------------------------------------------------------------------------
أسمحيلي يا الحبيبه مابقـى فينـي سعـه
والصراحه طبع فيني هي حقيقة مو خيـال
الرجوله من صفاتي والـردي مـا نتبعـه
والحقيقة ما انتظرتك والحكـي لازم يقـال
ضيق الخاطر معاني فـي خيالـي بطبعـه
مع هنوفن صادفتني في مسافاتـن طـوال
أبعدت عني وراحت فـي طريـق المنفعـه
مع عذولن كان ضـدي حبهـا حـب ودلال
لاتظنينـي بغيتـك لـو تركتينـي مـعـه
من تركني ما بغيته وموقفي موقف رجـال
لو نسيتينـي بفصلـن بتركـك بالأربعـه
ولو جرحتيني بيومن بجرحك طول الليـال
لو تكوني من ضلوعي ظلع فينـي بشلعـه
ولو تكوني لي حياتي موتها لجلـك حـلال
لو تكوني في عيوني نـور عينـي بمنعـه
ولو تكوني في خيالي صورتن مالك خيـال
ولو تكوني عرق فيني من وريدي بمزعـه
ولو تكوني شمس يومي صرتلك لحظة زوال
لو تناديلي بصوتـك فـي منامـي بسمعـه
وفالحقيقه ما سمعتك لـو تقوليلـي تعـال
من شرى شي بحلاله مـا يفيـده رجعـه
والحقيقه مـا صمدتـي بالعذايـب الثقـال
ما وطيتي من مقامي بإسـم ربـي بأرفعـه
ولو يحن القلب لحظه نحرمه لحظة وصال!
قصيده للشاعر حامد زيد
تحياتي ابو رغد
yaser